واخـاف ابساعـه اللـذه يجينـا هـادم الـلـذات
ويأخذ من حشـى جوفـي بقايـا روحـي الحيـة
أنا ليّه ثمان اسنين وأنا مدمـن علـى الشهـوات
ديـار الفسـق حاستهـا مواطـي تحـت رجليـه
عيوني من كبـر همـي تخلـط الـدم والعبـرات
مِسيل الدمـع مـن عينـي حفـر بالخـد ماريـه
صحيح إنك جميله بس تبنا مـن هـوى الزينـات
تركنا الحـب غصـب وطـوع للعيـن الشقاويـه
يابنت أنتي على بالك أبأخذ مـن بنـات الشـات؟
أجل مجنون أنا يـا بنـت أشيـل العقـل بيديّـه؟
ترى أكبر شيء يربطني مِعك جوال أبـو شاشـات
وهاتـف ينقـل أشواقـي علـى نبـرات سلكيـة
وترى كل العلوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبيـه
هـذاك اليـوم ماهلـت عيونـي لجلـك الدمعـات
لأن الدمـع ماينثـر بقـصـه حــب وهمـيـة
أنا أضحك مِعك واضحك منك ..عليك أكثّر الضحكات
كأنـي بالهـوى جنـي.. يعـبـي راس جنـيـة
يابنت الناس عزك فـي سـوادٍ يستـر العـورات
وعزي في شماغ أحمر.. وثوب أبيـض.. وطاقيـه
سعودين نفخـر فـي عبـايـات السعوديات
نغـض الطـرف إجـلالٍ إذا شفـنـا السعوديه
وخليجييـن نفخـر فـي عبـايـات الخليجـيـات
نغـض الطـرف إجـلالٍ إذا شفـنـا الخليجـيـة
م/ن
موضوع: على بالك أباخذ من بنات الشاات ؟؟؟؟؟؟ 
