تعبت اشكي تعبت ابكي..

تعبت أشكي تعبت أبكي تعبت أحكي مآسي الروح . .

قتلني الوقت بضروفه ذبحني وجفف نهاري . .

أخبي علتي وأسكت وأنا في داخلي مذبوح . .

أجامل وأرسم الضحكه وأنا قلبي على ناري . .

أحاول والله يعلم بي أداري دمعتي لا أبوح . .

أداري الجرح وأتجاهل عن اللي ينشد أخباري . .

أقول بخير لكني جريح وفي حشاي جروح . .

صداها لو دفنته يوم يبين سنين بأنظاري . .

صرخت بحسرتي يكفي صرخت بصوتي المبحوح . .

ألا ياوقت وش ذنبي عشان الفيك باعذاري . .

تبعثر حلمي قدامي وغديت بدنيتي منزوح . .

وقفت ولا قدرت أجمع مغير مشتته أفكاري . .

أمني النفس وأخدعها وأقول إن كربتي بتروح . .

وهي والله مولوده قدر فأرحام أقداري . .

قتيل والبقا براسي في دنيا مابها مصلوح . .

قتيل والقهر قاتل من اللي ياخذ بثاري . .

أبا ببقى ضحية وقت أعاني والعنا مجروح . .

دعيت اللي خلق يرحم رجيته ربي الباري . .

أبي أسعد أنا بلحظه قبل نزعه توافي الروح . .

قبل مارحل عن الدنيا وأروح لاخر دياري . .

أنا بحمل صديد الجرح في باقي وقتي المسموح . .

وإذا وافتني القدره ترى هالبيت تذكاري . .

رثاني دمعي الطاهر في صمته مارضي بالنوح . .

رثتني قسوة الدنيا ورثتني حتى أشعاري . .

وجزت اللي ذبح قلبي وعشته بالخفا مشروح .

لجل مااضعف بعين اللي نشدني كيفها أخباري . .

أضحك واقول إن المخاليق يبكون
وابكي واقول الكون كله سعاده
::-::-::-::-::-::-::-::-::-::

متناقض(ن)ماأبغى المخاليق يدرون
حتى الدهر ياناس طوّل عناده
::-::-::-::-::-::-::-::-::-::

أضحك إذا قالوا المخاليق بتهون
واكتم على ونات قلبي زياده
::-::-::-::-::-::-::-::-::-::

ياكيف أبضحك يابشر وشلون ؟
دام الفرح عبد(ن) والأحزان ساده
::-::-::-::-::-::-::-::-::-::

ياكيف أبضحك يابشر وشلون ؟
دام الحزن كنّه وسام وقلاده
::-::-::-::-::-::-::-::-::-::

ياكيف أبضحك يابشر وشلون ؟
دام الحزن شخص(ن) وصدري بلاده
::-::-::-::-::-::-::-::-::-::

ياكيف أبضحك يابشر وشلون ؟
دام الحزن بارود كابس زناده
::-::-::-::-::-::-::-::-::-::

ياكيف أبضحك يابشر وشلون ؟
دام الحزن صار في دنيتي عاده
::-::-::-::-::-::-::-::-::-::

منكم من اللي يسعده قلب مطعون
ومنكم من اللي ينجرح لي فؤاده ..
::-::-::-::-::-::-::-::-::-::

منقوووووووووووووول...

كلمات قمة بالروعة
يعطيك العافية

الله يعافيك ويقويك...........................تسلمي

رووووووووووووعه روووووعه
شكريا

العفويا.......مرورك مسعدني ملوك