عمري 23حلوة وبيضا شعري اسود ناعم وطويل

السلام عليكم
أنا 00000عمري 23 - حلوة - شعري أسود ناعم - أحب الرومنسية - أبغى أتزوج واحد مابين 25-35 أبيض وسيم - حنون - يخاف الله – اعزب
رقم العضوية00000-

طبعا لا يوجد أحد ممن يقرأ موضوعي الان لم يرى بعض من هذه العبارات تتمخطر في شريط متحرك لإحدى القنوات

انتشرت هذه الظاهرة كثيراً فلا تجد قناة تخلو من ذلك بل يوجد بعض القنوات التي خصصت لهذا الهدف

يعني الواحد لما يخطب صار مايجي من الباب يجي عن طريق شاشات التلفزيون

هل هذه طريقة مثلى للزواج؟؟

بضع صفات تدرج تحت رقم عضوية ولا يدري الشخص صحتها من كذبها..!!

أصبحت الوحدة تعرض نفسها بتصوير حالها على أفضل مايكون حتى تجذب الخطاب
من وجهة نظري أرى أنها سيارة في معرض الكل يتردد ويسأل عنها حتى يشتريها

وتجد الشاب بكل سهولة يرسل أريد الفتاة صاحبة الرقم - ؟ -

هل هذه الصفات كفيلة برسم الصورة الأساسية للحياة الصحيحة بينهم..وين راحت الأخلاق..الدين ..
اش دراهم ان هذا الشخص فعلا صادق يعني أختارة وبس على كم كلمة انكتبت عنه
أنا أقدر أكذب..مثل ماكذبت بمعلوماتي قبل شوي...من يدري ....بالنهاية لا أخذني ولا أخذته كل واحد بيتوهق

مما أثار عجبي وأنا أتابع هذه القنوات عشان أضحك على الكلام اللي مكتوب اذا كنت طفشانة

فتاة تبلغ من العمر 17 تريد شاب وسيم حنون ولاتنسون الجملة المشهورة - يقدر الحياة الزوجية -
رومنسي يحب السفر للخارج...؟!!!

هذي بفهم شو تبغى من حياتها..17 سنة توها ببداية المشوار لا وأهم شي يحب السفر للخارج
ليه هو الزواج سفر ومتعة وبس...وين المسؤلية..؟!!

يعني أهلهم راضين وعارفين هم ايش قاعدين يسوون...؟!!!

حبايبي..

1/ ما رايكم بهذه القنوات..؟!!

2/ شباب ... بنات..من منكم يقبل يتزوج بهالطريقة..؟!!

3/ هل تتوقعون أن ما يذكر من صفات ومعلومات صحيح ...؟!!

4/ الأهل ... على علم بذلك أم لأ...؟!!

عذرا على صغر الخط ماانتبهت

1*الله يخفي مثل هذي لقنوات
2*وع الله لايقوووله إن شاء الله
3*كذب في كذب,,,,,والله يتحلمون هذي الصفات فيهم
4*لا
وبعضهم ماخذيهنها لعب
الله يصلحهم ويعافيهم مما فيه

1/ ما رايكم بهذه القنوات..؟!!
الله يحرقها كلها راي فيها اكيد اني اتمنها تتقفل كلها لانها تدعو للفساد والرذيله..انشاللله تتقفل كلها..الله يحمي المسلمين من مثل هذي الاشياء..

2/ شباب ... بنات..من منكم يقبل يتزوج بهالطريقة..؟!!
اكيييييييييييييييد ماراح اقبل لو على جزاتي..لعب عيال هو ولا مرة التخلف دب في عشان اوفق..

3/ هل تتوقعون أن ما يذكر من صفات ومعلومات صحيح ...؟!!

اكييييييييييييييد كذب في كذب مستحيل تكون فيها شي من الصحه..
4/ الأهل ... على علم بذلك أم لأ...؟!!
والصراحه ما اقدر افتي بذا الشي بس اتوقع مايدرو الا اذا كان الاهل منفتحين وما يخاف الله.

شاكرة موضوعك الرائع النقاش..

1/ ما رايكم بهذه القنوات..
اكيد قنوووات هابطة وساقطة عساااااااااها بالخراب
2/ شباب ... بنات..من منكم يقبل يتزوج بهالطريقة..؟!!

لا طبعا انشالله اعنس بس مااتزوج بهذي الطريقة ههه
3/ هل تتوقعون أن ما يذكر من صفات ومعلومات صحيح ...؟!!

مااتوقع مافي احد محترم يوصف شكله امام الملأوالكل يشوفه
4/ الأهل ... على علم بذلك أم لأ...؟!!

مااتوقع تخيلو عاد وحدة تقول ياماما او يابا ابغى اتزوجواعلن بالقنوات((هبل هو هههههه
الا اذا كانت وحد ة جريئةة مرة واهلها فري

يعطيك العافية

1/ ما رايكم بهذه القنوات..؟!!

قنوات ليس لديها هدف سوى جمع الأموال بأي طريقه كانت..ولا يهم إن
كانت تضر المشاهد..

2/ شباب ... بنات..من منكم يقبل يتزوج بهالطريقة..؟!!
بالتأكيد لا ولن أقبل..

3/ هل تتوقعون أن ما يذكر من صفات ومعلومات صحيح ...؟!!
لا اتوقع على الإطلاق..

4/ الأهل ... على علم بذلك أم لأ...؟!!

لا..

اسعدني مروركم يالغوالي
منوريني