صدك عقب وصلـك جريمه !!

..


لاتعتذر .. ماللهجـر منـك تبريـر
.................... صدك بليـا ذنـب .. والله ظليمـه

ماصارلي بعدك .. يفوق اي تصويـر
.................... تجـددٍت كـل الـجـروح القديـمـه

بعدك لعبي هاجسـي .. والتفاكيـر
.................... وقلبٍ جريح .. وروح صبٍ مهيمـه

ماغير اسلـي خاطـري بالمشاويـر
.................... اروح .. وارجع .. والهواجس مقيمه

ان كان صدك ماخذك عنـي الغيـر
.................... روّح .. ولـو ان الخسايـر وخيمـه

وان كانها عنـي خذتـك المقاديـر
.................... فالعفو عند المقـدره .. فيـه شيمـه

يامرحبا .. والحـب كلـه معاذيـر
.................... تشفعلـك ايـام الغـرام القديـمـه

يوم الهوى لازارنـي منـك اعصيـر
.................... اضم في صدري من اجلك نسيمه

واليوم اصبر خاطر الوجـد تصبيـر
.................... واقول صدك عقب وصلك جريمه

ولاجاك مني ياهوى البـال تقصيـر
.................... مواقفـي ويــاك والله عظيـمـه

سخرت لك مشاعر الشوق تسخيـر
.................... وامطرتـك بحـبٍ .. تقفـاه ديمـه

وضللتك بجفني .. وصارت مسافيـر
.................... يوم الغـلا .. بيـن النديـم ونديمـه

واليـوم ماتنفـع كثيـر المحـاذيـر
.................... تفاقمـت بيـن النفـوس الحشيمـه

عسى سنينك روض عشب .. ونواوير
.................... محـدٍ لنفسـه يرتضـي بالهزيـمـه

اما تخاويني علـى الشـر .. والخيـر
.................... والا السلامـه منـك راس الغنيمـه !



/




راق لي فاحببت ان انقله لكم

ابيات مرره حلوه
اكثر بيت راق لي
لاتعتذر .. ماللهجـر منـك تبريـر
.................... صدك بليـا ذنـب .. والله ظليمـه
يسلمووو

يسلموووووووووووع المرور

ههههههههههههه
الله يسلمك ع المرور

ان كان صدك ماخذك عنـي الغيـر
.................... روّح .. ولـو ان الخسايـر وخيمـه
روعة صح لسان اللي كاتبها
يسلمو ياعسل