الصورهـ الليّ بجواليّ /.. تعذبنيّ .. ياكثر ماجيت أمسحها (وأخليها ) !!

الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا

ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا

من يوم حبك .. غزى القلـب وتملكنـي
قطعـت كـل العـلاقـات .. وطواريـهـا

اقـرى رسايلـك و دموعـي تسابقـنـي
وارد ! واقرى الرسايل .. واحتفظ فيهـا

انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا

لـو الوصايـا ليـا احتديـت ! تنفعنـي
ياكثـر نـاسٍ علـى ذودي بوصيـهـا

ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا

من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا

تـدري وش اللـي يبكينـي ويضحكنـي
انـك محـامـي قضيتـنـا .. وقاضيـهـا

تدري متى ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا

بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟

مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا

اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبني ؟
لــن الهـدايـا عـلـى مقدار مهديهـا

مفضوح ؟ راع الهيام .. و نظرته !! تغني
ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا

ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا

فارقتنـي و ضحكتـك عيـت تفارقـنـي
و الله يلعـن ابــو الفـرقـا وطاريـهـا

مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا

اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا

نشدت عنك ؟ وسمعـت اللـي يفرحنـي
وارتاح صـدري مـن همـومٍ يحاتيهـا

تبي تعرف ! وش ؟ اللي مصبرني
انـك بخيـر .. وحياتـك مهتنـي فيهـا

مـن يـوم ماغبـت ! والوحـده تعذبنـي
اقرى [ رسايلك ] في حرقـه والاحيهـا

اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليهـا

تسلمين ياعسل
رااااااائعه جداً

مرورك الاروع يالغلا

اقـرى رسايلـك و دموعـي تسابقـنـي
وارد ! واقرى الرسايل .. واحتفظ فيهـا

انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا
مرررررررررة نااايس كلماتك لاعبت شعوري..

مرورك اسعدني ياقلبوووو
منورة

كلمات رائعة يسلمووو

قليلة عليها كلمة روووووووعه
كل بيت احلى من الثاني...

وجه القمر
درة الكواكب
نورتو الصفحة

كلمات عذبة
يعطيك العافية يارعوشة

» طريقة غريبة لتقديم المقبلات مع الصورهـ